Aktualności

12 listopada 2013r. uczeń kl. IV Dawid Skubała reprezentował naszą szkołę i gminę w konkursie "Godomy po naszymu" w Sośnicowicach, k. Gliwic. Był to VI Spichlerzowy Przegląd Dialektów Gwary Śląskiej.

Tematem przewodnim konkursu były "Moje feryje". Dawid opowiedział o swoich wakacjach letnich w Łagiewnikach Wielkich. Ucznia do konkursu przygotowały p. Anna Kopyto i p. Małgorzata Frankowska. Organizatorem przeglądu była fundacja "Spichlerz Górnego Śląska".

Poczytajcie i sami zobaczcie, jak Dawid wspomina wakacje.

 We wte feryje byłech na półkoloniach we świetlicy przy fojerwerze. Było nas tam kupa bajtki z noszej wsi. Richtig wcześnie rano, bo kajś kole ósmej, musiołżech wstać z wyra, oblec się i ćiś na kole pod góra. Było fest gorko. Na szczyńście we fojerwerze wody było dość i mógłżech się zaroski napić. Ło dziesiontyj Pani Krysia dowała śniadanie. Roz był kołocz, roz  żymły i sznitki. A roz nawet wielgo  torta ze szlagzaną.  Na tych kolonijach groli my w bala, skakali przez powróz, szpacyrowali my i mieli my tyż szpile w grupach. Szkolorki podzieliły nos na cztyry grupy. Kożda czelodka dostoła papier i musioła narysować kawałek chopa. Jedno babrała łeb, inno łod karku do basa, następno łod basa do gyrów i tak daliyj. Żadno grupa nie widziała, co nababrali inni. Jak się potym łokazało, powyłaziły rozmaite dziwoki.  Mieli my tyż rozmaite wyścigi. Lotali my łeżkom w gymbie na łeżce było jajco i ni mogło  ślecieć. Jednymu karlusowi cołki czas ślatywało  i borok lotoł i lotoł… Innym razym my ułożyli pieśniczka „Gorko mi Dorko” kerej na cołki tekst skłodały się słowa „Gorko mi Dorko, ale klapowały do kożdej nóty. Wiencyj my przy tym się śmioli, niż śpiewoli.  Byli my tyż w kinie i na scynie, na kerej brali my udział w „Mom Talynt” . Jo , Piter i Szymon tańcowali my łamańce i, wicie co?, to sie podobało. Wygrali my. Byli my tyż w Żorach w takim kowbojskim miasteczku. Nojlepsza ze wszystkiego była tam jozda na mechanicznym byku. Połobdzieroł żech kolana, ale wytrzymołem na nim chyba ze 20 sekund. Na koniec tych feryji mieli my ognisko z wusztem. Wszystkie bajtle były fest rade z tych feryi, na bezrok tyż byda tam łaził.